Әюпова Р.Ф. сайты

Рәхим итегез

Rania — Fri, 07 Oct 2011 06:21:25 GMT

Хөрмәтле кунаклар, сайт кулланучылары!
Агымдагы елдан әлеге сайт һәм Кушлавыч мәктәбенең сайты берләштерелеп яңа адрес буенча эшли. Тупланган материалларны югалтмау йөзеннән бу сайтларыбыз да ябылмый. Ә яңа сайтыбызга рәхим итегез: qushlawich.ru

Яңа сайтыбызның баннер коды:

Котлыйбыз!

Rania — Thu, 26 May 2011 17:24:42 GMT

Татар халкының бөек шагыйре Габдулла Тукай туган көн

Rania — Tue, 26 Apr 2011 06:34:28 GMT

    Хак Тәгалә әмере белән

    Җиргә Раушан йолдыз иңде,

    Бу сәгатьтә - Кушлавычта

    Дөньяга бер шагыйрь килде…

http://qushlawich.ru/node/10

Г.Тукайның 125 еллыгы уңаеннан...

Rania — Tue, 19 Apr 2011 16:36:09 GMT

    Бу зур бәйрәм уңаеннан, Audio битендә Тукай сүзләренә язылган җырларның минусларын һәм аның шигырьләрен (укый И.Әхмәтҗанов) тыңлау һәм күчермәләп алу мөмкинлеге белән урнаштырдык. Рәхим итегез! Сездән дә комментарийлар, фикерләр, тәкъдимнәр көтеп калам.
    Шулай ук Г.Тукайның 125 еллыгына мәктәп сайтыбызда Г.Тукай әсәрләре буенча әзерләнгән татар телендәге мультфильмнар урнаштырылды. Аларны карап ял итәргә рәхим итегез!

Кушлавычта иҗат концерты

Rania — Tue, 05 Apr 2011 17:45:23 GMT

    Агымдагы айның беренче көнендә Кушлавыч авыл клубында "Җыр моңнарым, Арчам, сиңа багышлана!" исеме астында узган иҗади концерт узды. Әлеге исем астындагы концертлар бөтен район буенча уза. Һәр күмәк хуҗалык, предприятие иҗат концерты белән чыгыш ясый. Әлеге концерттан мәктәп коллективы да читтә калмады, 9 сыйныфтагы егетләрем-кызларым барысы да бик матур чыгышлар күрсәттеләр.
    Авылдашлар халык инструменталь әсәрләре ансамбле чыгышларын, аерым, дуэт җырлар, милли биюләр, фольклор күренеш, скетчлар карап ял итте. Бигрәк тә программага мәҗбүри куелган ретро җырларны яраттылар. Авыл халкы, килгән кунаклар кичәдән бик канәгать таралышты. Әлеге концерттан кайбер күренешләрне мәктәп сайтыбызның фотоальбомына да урнаштырдык. Рәхим итеп карагыз.

Тукай премиясенә кандидатлар

Rania — Wed, 23 Mar 2011 18:30:47 GMT

    Татарстан Республикасы Президенты каршындагы Габдулла Тукай исемендәге Татарстан Республикасы Дәүләт премияләре буенча комиссия, тапшырылган әсәрләрне һәм хезмәтләрне карап тикшергәннән соң, түбәндәге кандидатларны 2011 елда Габдулла Тукай исемендәге Татарстан Республикасы Дәүләт премиясенә дәгъва кылуга тәкъдим итте:
Вәлиева-Думаева Венера Сәлах кызы Г.Тукай шигъриятен тәрҗемә иткән өчен – "Сборники Габдуллы Тукая. Избранное” (2 бүлек), Мәгариф, Казан, 2006-2008 еллар;

Ибраһимов Илфак Мирза улы (Мөхәммәд Мирза): "Киек каз юлында” (Татарстан китап нәшрияты, Казан, 2003 ел); "Тере су” (Татарстан китап нәшрияты, Казан, 2007 ел) китаплары өчен һәм "Адәм баласы” китабында басылып чыккан "Адәм баласы” (Мәгариф, Казан, 2009 ел) шигырьләр циклы өчен;

Кәримов Камил Әдһәм улы (Камил Кәримов): "Ком сәгате” (Татарстан китап нәшрияты, Казан, 2000 ел) роман-дилогиясе һәм "Сакау күке” (Татарстан китап нәшрияты, Казан, 2005ел) романы өчен;

Шакирҗанова Лена Галимҗан кызы (Лена Шагыйрьҗан): "Боҗра вә Хөҗрә”: Шигырьләр, поэмалар (Татарстан китап нәшрияты, Казан, 2002 ел) һәм "Сагынмаклык” Истәлекләр, багышланмалар” (Татарстан китап нәшрияты, Казан, 2005 ел) җыентыклары өчен;

Газиев Идрис Мөдәррис улы төрле елларда (2001–2010 еллар) концерт программалары, шул исәптән "Рөстәм Яхинга багышлап”, "Тукайга багышлап”, "А.Ключаревка багышлап” дигән концерт программаларын төзегән һәм югары сәнгати дәрәҗәдә башкарган өчен, аудио язмада (3-CD, 60 татар халык җыры) "Татар музыкасы дөньясында” антологиясен эшләп дөньяга чыгарган өчен;

Тимербулатов Шамил Харис улы "Женский лик Победы” Бишенче симфониясе һәм "Моя Казань” № 1 концерты (оркестр белән фортепьяно өчен) симфоник әсәрләре өчен;

Шаһиморатова Альбина Әнвәр кызы Көнбатыш Европа һәм рус композиторлары операларында вокаль партияләрне, татар композиторлары җырларын һәм романсларын, татар халык җырларын иң югары профессиональ дәрәҗәдә башкаруы өчен;

Түбән Кама дәүләт татар драма театры коллективы Гыйматдинова Нәбирә Миңнеәхмәт кызы (повесть авторы), Галиев Рөстәм Вәлиәхмәт улы (режиссер), Нәсыйхов Булат Вакыйф улы (рәссам), Галиев Рәис Абделхак улы ("Кәрим” ролен башкаручы) – Нәбирә Гыйматдинова повесте буенча "Бүре каны” спектаклен иҗат иткән, куйган һәм төп рольләрне башкарган өчен;

Вахитов Рифкат Мөхәммәд улы Татарстан һәм Россиянең күренекле мәгърифәтчеләренең портретлар сериясе һәм картиналар өчен: "С.Сәйдәшев”, "Р.Фәхретдинов”, "Идел-йорт, Ил – мәдәният минитрыагасы”, "Олуг Мөхәммәд”, Г.Тукай дөньясы;

Рәссамнар коллективы: Килдебәков Рөстәм Әхмәт улы һәм Килдебәкова Мария Семеновна – Татарстан Республикасында иҗтимагый биналар интерьерлары һәм экстерьерлары өчен уртак рәвештә булдырылган монументаль һәм декоратив-гамәли сәнгать әсәрләре өчен, һәм "Волга”, "Татарстан” кунакханә комплексларында, Г.Камал театрында һ.б. "мозаика” һәм "сграффито” монументаль әсәрләре (тарихи әсәрләр сериясе), "Сәйяр” труппасы гобеленнары, "Су анасы”, "Сак-Сок”, "Шүрәле” халык әкиятләре буенча триптих; татар халкы тарихы һәм мәдәниятенә багышланган картиналар сериясе – "Кукмара итекләре”, "Шагыйрәләр”, "Хаҗилар”, "Кайту”, "Биюче дәрвиш” һ.б. өчен.
Чыганак: matbugat.ru

Яңа бәйге. Тукай - безнең күңелләрдә...

Rania — Mon, 21 Feb 2011 18:33:02 GMT

    Belem.ru порталы ТР Мәгариф һәм фән министрлыгы һәм Арча районы Кушлавыч төп гомумбелем бирү мәктәбе белән берлектә Габдулла Тукайның тормыш юлын, аның иҗатын, әсәрләрен яктырткан презентацияләр бәйгесен игълан итә.
    Бу бәйгедә Татарстан Республикасында һәм Россиянең теләсә кайсы регионында яшәүче мәктәп укучылары, 1-2 курс студентлары һәм укытучылар катнаша ала. Презентацияләр татар телендә милли рухта сугарылып эшләнгән булырга тиеш; Г.Тукай әсәрләрен дөньякүләм таныту максатыннан, презентация әзерләгәндә аларның төрле телләрдә тәрҗемәләрен файдаланырга мөмкин. Бәйгедә катнашучы презентацияләрнең темасы - Габдулла Тукайның тормыш юлы, аның иҗаты, әсәрләре. Презентацияләрнең http://belem.ru/ порталында һәм http://koshlaush.ucoz.kz/ сайтында урнаштырылып барылулары сәбәпле, аның әзер оригиналының күләме 5 Мегабайттан зур булмавы таләп ителә. Әйтелгән күләмнән артмаган презентацияне zip яисә rar архивы буларак кысып 20 апрельдән дә соңга калмыйча xat@belem.ru адресына юллавыгыз кирәк. Бәйгегә килгән материаллар кабул ителү тәртибендә урнаштырылып барыла.
    Әлеге бәйге бүген, 21 февраль көнне, Халыкара туган тел көне уңаеннан башлап җибәрелә, аңа нәтиҗәләр 26 апрель көнне ясалачак.
    Сезгә иҗади эшләрегездә уңышлар теләп калабыз!

2011 ел - Тукай елы

Rania — Mon, 14 Feb 2011 16:38:09 GMT

    Татарстан Республикасы президенты Р.Н.Миңнехановның 2011нче ел 11нче февраль указы нигезендә, агымдагы ел, Республикабызда Габдулла Тукай елы дип игълан ителде.

Котлыйбыз!

Rania — Tue, 08 Feb 2011 18:00:25 GMT

Тулырак.

Все для Windows 7: http://windowstat.ucoz.ru/

Сабантуй газетасы

Rania — Mon, 07 Feb 2011 17:12:48 GMT

    Хөрмәтле кулланучылар! Белем.ру порталы Сабантуй газетасы белән хезмәттәшлек итә башлады. Әлеге форум кысаларында балалар өчен Сабантуй газетасының форумы да булдырылды. Анда укучы балаларның, яшүсмерләрнең аралашуы көтелә. Әлеге форум битләрендә киләчәктә сез дә аларга үз киңәшләрегезне бирә, балаларның иҗаты белән таныша аласыз.