Шушы көннәрдә республика мәгариф порталында математикадан интернет-форум узды. Форум кысаларында күпләрегезТатарстан Республикасы Мәгариф һәм фән министрының беренче урынбасары Данил Мәхмүт улы Мостафинның видеочыгышын тыңлагандыр. Үз чыгышында министр урынбасары Татарстан гомуми белем бирү мәгариф оешмаларының 9 нчы сыйныфлары узачак дәүләт йомгаклау аттестациясе турында җентекле сөйләде.

    "9 нчы сыйныфларның дәүләт йомгаклау аттестациясе ике формада узачак. Ягъни традицион һәм яңа формада (тест рәвешендә). Мәҗбүри язма фәннәр кала: рус теле, алгебра һәм татар теле. Моннан кала укучының үз ихтыяры буенча тагын 7 предметтан сынау узарга мөмкин.

    2003 елда йомгаклау аттестациясенең яңа формасы эксперемент буларак республикабызның Балтач һәм Яшел Үзән муниципаль районнарында уздырылды. 2009 елда эксперементка Казан шәһәренең Совет районы кушылды. Быел имтиханнарны яңа формада инде муниципалитет гаризалары нигезендә уздырачаклар. Тест рәвешедә имтихан бирүчеләр саны быел 64, 549 мең булыр дип көтелә. Шуларның 56 меңе сынауны рус теле һәм алгебрадан бирәчәк”, диде Данил Мостафин.

    Министр сүзләренә караганда, уздыру технологияләре буенча 9 нчы сыйныфларның яңа формада имтихан тапшыруы БДИга тәңгәл. Димәк, мәктәп бетергәндә, укучылар Бердәм дәүләт имтиханына әзер булачак, дигән сүз. 2010 елда эксперементка Казан, Яр Чаллы, Алабуга, Түбән Кама, Зәй һәм республикабызның күп кенә башка район мәктәпләре кушылачак, ди министрның беренче урынбасары.

    Татарстан Республикасының Мәгариф һәм фән министры беренче урынбасары Данил Мостафинның видеочыгышы: http://edurt.ru/index.php?link=243&lang=1&type=1