Яңалыклар бүлеге

Төп бит » » ТЕЛЕВИДЕНИЕДӘ "ТАТАР МОҢЫ" БАШЛАНА

18:30

ТЕЛЕВИДЕНИЕДӘ "ТАТАР МОҢЫ" БАШЛАНА

     12нче апрельдә "Татарстан – Яңа Гасыр" телевидениесе "Татар моңы – 2010" конкурсының ничек узганын күрсәтә башлый. Дүшәмбедән алып җомгага кадәр һәр эш көнендә 18 сәгатьтә "Татар моңы" тапшыруларын карагыз!
    Яшь башкаручыларның Халыкара телевизион "Татар моңы – 2010" конкурсында катнашучыларга кем бәя бирә? Быелгы бәйгедә кайсы илләрдә гомер кичерүче татарлар катнаша? Сайлап алу турлары ничек узды? Конкурсның финалына кемнәр чыккан? Әлеге һәм башка сорауларга җавапларны "Татар моңы" тапшырулары бирәчәк - 12нче апрельдән башлап кичке сәгать 6да!
    Игътибар! Сезгә берәр катнашучы аеруча ошадымы? Аның җырлавы сезне таң калдырдымы? Алай икән, сезгә ошаган катнашучы өчен тавыш бирегез! Моның өчен 5075 номерына катнашучының номерын язып SMS юлларга кирәк. SMS-хәбәр "МОН" сүзеннән башланырга тиеш. SMS-хәбәр бәясе 30 сум (НДСтан башка).
    "Татар моңы - 2010" конкурсында катнашырга 2 меңнән артык кеше теләк белдергән иде. Сайлап алу турыннан нибары 200 генә кеше узды! Алар арасыннан иң яхшы башкаручылар 26 нчы апрельдә гала-концертта катнашачак.